電飯煲煮出鹵水香 在家輕鬆煮車仔麵餸

 

木頭車、公雞碗、豬紅蘿蔔牛腩…回憶一下子湧現，幾乎每個香港人都食過車仔麵。你知道為甚麼車仔麵又名「嗱喳麵」嗎？在50年代的香港，車仔麵藏身街頭巷尾，靈活多變，一撮油麵、十幾廿款餸任意挑選、再加兩殼熱湯、淋匙辣汁，就是一碗。因為當時賣車仔麵的環境不太潔淨而稱為「嗱喳麵」，又叫「車仔麵」，是因為多年前小販以木頭手推車在街頭販售麵食。但現今車仔麵為迎合香港人口味多變，款式方面過於著重創意，如炸雲吞、酸齋、鯪魚肉、燻雞翼等，雖然能滿足食客口味，但就失去了原有車仔麵的風味。

記得70、80年代常到一家由士多起家的車仔麵小店，店中那發黃的牆身、銀色筷子筒，有人覺得懷舊、有人覺得邋遢，而我就反而覺得是麵店的特色。當時麵店自家製滷水雞翼最熱賣，滷水汁香味出眾，餸料如雞翼尖、豆腐、大腸都香得有層次，而豬紅、蘿蔔、豬皮亦是必吃之選。不過因店中環境較細，來吃的食客都要排隊，落單、取麵等。而那時並沒有特定的麵種，只是憑個人喜好自由搭配，從前的麵條只有幼麵、粗麵、米粉等，而現在則多了河粉、公仔麵、烏冬和米線，選擇五花八門。此外，湯汁亦由清湯、腩汁等進化至咖喱汁、麻辣醬甚至乾撈，食法變得多樣化。隨着時代變遷，車仔麵已沒有木頭車，亦不再在街頭巷尾叫賣，取而代之，不少車仔麵已轉型至店舖經營，但反而失去了原有風味。今次就讓小編分享車仔麵餸的做法，讓大家都能一同回味本土美食。

鹵水牛肚雞翼尖

材料：

• 金錢肚 1磅
• 雞翼尖 1磅
• 薑葱 適量

滷水料：

• 李錦記五香滷水汁 1枝
• 水 800毫升
• 小粒冰糖 3-4粒

做法：

1. 先將金錢肚及雞翼尖，用少許白醋及酒汆水，備用。
2. 電飯煲內加入薑葱，再放入金錢肚及雞翼尖。
3. 將滷水料加入電飯煲內，按「開始」按鈕。
4. 當完成第一次烹煮模式後，將雞翼尖取出。
5. 關蓋，將金錢肚焗30分鐘。
6. 再按「開始」按鈕，進行第二次烹煮模式。
7. 完成後，不要開蓋，再焗30分鐘即可。

溫馨提示:

• 可按個人口味加入花椒一同滷煮。
• 可按個人口味加入不同食材一併滷煮。
• 用電飯煲滷煮食材，火力較均勻。

香辣豬紅蘿蔔

材料：

• 蘿蔔 1條
• 豬紅 半斤
• 紅辣椒 1隻  
• 薑 3片 
• 紅葱頭 1個
• 水 適量

調味料：

• 蒜蓉 2湯匙
• 辣椒醬 2湯匙 
• 紹興酒 2湯匙
• 糖 1湯匙
• 老抽 1湯匙
• 胡椒粉 適量 
• 小粒冰糖 3-4粒

做法:

1. 燒熱油鍋，先將薑片及紅葱頭爆香。
2. 將蘿蔔加入，炒勻。
3. 再將蒜蓉，加入調味料及冰糖，炒勻。
4. 將適量的水加入，煮滾後轉中火，烹煮十五分鐘。
5. 豬紅汆水後，加入蘿蔔中烹煮十分鐘。
6. 最後加入辣椒粒煮滾即可。

溫馨提示:

• 可按個人口味將辣椒醬改為麻辣醬 
• 豬紅可於街市豆腐檔購買
• 煮蘿蔔時加入冰糖可去除苦澀味