宮保牛肋粒

我鍾意食牛肋骨係因為佢肉味夠濃 😋所以上次整完牛骨之後… 就已經快手再去Aeon入貨😎 仲畀我見到佢另一款牛肋骨粒😙 睇清楚佢嘅包裝…原來響佢包裝袋後面…除咗印有相關食譜之外… 只要掃描二維碼…就會有更多嘅食譜😉 有咗呢啲食譜…咁我就可以煮更多唔同口味嘅菜式喇😏 今次用嘅牛肋骨粒…肥肉相間均稱😍爆炒完都唔會韌… 再配合惹味配料… 真係唔好講笑…記得煮多幾碗飯呀😋😋😋

材料

牛肋粒 兩包    蔥 兩棵    薑末 一湯匙
蒜末 一湯匙    乾辣椒 10克    花椒粒 一湯匙
花生 兩湯匙

醃料
豉油 一湯匙    糖 一茶匙    麻油 少許
胡椒粉 少許    酒 一湯匙    水 兩湯匙
粟粉 一湯匙    蛋白 一隻

調味料 
米酒 兩湯匙    番茄醬 兩茶匙    鎮江醋 一茶匙
豉油 一湯匙    鹽 半茶匙

做法
1. 燒熱湯匙油，將花椒粒、乾辣椒1茶匙煸香後，濾出備用。

 
2. 將1/3量蔥白切碎、其餘蔥切段備用。

3. 牛肋粒回溫後,用廚紙抹乾水,用醃料醃十五分鐘。
4. 燒熱油鍋，放入牛肋粒泡至7分熟後撈出。 

5. 將花椒油燒熱，再放入蔥白、餘量乾辣椒、薑末、蒜末、蔥段炒香。

6. 再放入調味料，最後放入牛肋粒回鍋拌炒均勻。 

7. 最後再放入餘量蔥段翻炒，再淋入鍋邊醋、蒜味花生、麻油提味即可。