家鄉小食-狗仔粉

狗仔粉相信都係好多朋友仔嘅童年回憶但坊間食到嘅多數湯底落重「師傅」所以好多時食完...都口渴到不得了呢排疫情日日都有增冇減...真係唔好周圍去留家抗疫 呢款簡易版嘅狗仔粉....堅係足料又巧味最重要係食得放心!!! 材料： 鹹豬肉－200克 小冬菇－10隻 蝦米－100克 紅葱頭－兩個 （切片） 小瑤柱－100克 粗上海麵－300克 熱水－1.5公升 上湯－500毫升 做法： 1. 冬菇用熱水煲一陣，焗半個鐘之後瀝乾水，切片備用。

2. 小瑤柱用水浸過夜，蝦米浸洗完瀝乾水備用。

3. 燒熱油鍋，將紅葱頭、鹹豬肉加入，灒酒爆香。

4. 將蝦米、小瑤柱同冬菇加入，炒勻。

5. 加入上湯同熱水煮滾，轉中火煮二十分鐘，備用。

6. 將上海麵切成小段後放入湯中。

7. 煮滾後轉中火 ，再煮十五分鐘即可。

小貼士: 

- 粗上海麵唔駛清洗就可以煮。

- 可按個人口味加入唔同份量嘅辣菜脯。