[餐廳推介 -- 韓國fusion菜餐廳 The Joomak]

在

早幾日去咗海港城LCX嘅新派韓國fusion菜餐廳-- The joomak，知道餐廳剛剛響3月推出新菜單「春日韓素」，菜式以時令健康食材炮製素菜，當然第一時間試試啦。今次點咗4個菜，分別有:

[韓式甜辣素炸雞] -- 呢個一定要試，佢係用豆腐包住素肉，再用甜辣汁包住嚟炸，再加埋個杏仁片，嘩.......口感即時提升，真係好......好.....味呀.....

[韓式素紫菜卷] -- 用Beyond Meat 植物雞及蔬菜嚟包呢個飯卷，口感清新。

[紫菜 x 溶岩芝士包] -- 呢個包中間係用五款芝士煮溶成醬，再配以不同食材:韓式炸雞、魷魚圈、年糕、翠玉瓜、雞脾菇、紫菜及泡菜，將炸得香脆嘅串燒，醮上濃濃嘅芝士醬，嘩.........真係邪惡到不得了，但又真係冇....得....頂呀.....一籃菜式入面有齊素菜及非素食，顧及大家不同需要，細心。

[韓式牛肉炒粉絲] -- 味道不錯，但可能冷氣稍大，所以好快就吹到凍哂。

[巔峰狀態] -- 呢杯係用羽衣甘藍、薄荷及菠蘿打成汁嘅特飲，草青味道稍強，若加多少少菠蘿及薄荷，一定會更清新。

[柚子韓SHAKE] -- 呢SET特飲足足有兩大杯，入面有柚子、蜂蜜、RUM酒及梳打，即場由oppa為客人SHAKE，調酒前會詳細咁介紹特飲成份有啲乜野，如果唔飲得酒，仲會為客人抽起，真係好細心，抵飲!!

其實用餐前都擔心朋友食唔慣咁多素菜，因為朋友係非素食者，但當我睇到菜牌時，就放心哂喇.....因為菜牌會兩者兼顧，餐廳亦為咗尊重素食者，用作煮製素食嘅廚具，包括炸爐、刀具、砧板等，全部都唔會接觸肉類，只供製作素食之用。一間韓式餐廳有咁多素食揀，真係好有心!! 

仲有呀仲有呀....餐廳有無敵維港景睇o架....如果同打令去食飯，就一定要BOOK窗口位喇...真係巧靚~^^~以後同朋友打令出街食飯又有新蒲點喇。

朋友食完呢餐之後，不停問我點解而家啲素菜咁好食.....HAHAAAAAAA你哋都想知嘅....就自己去搵答案啦!! ~^^~


The Joomak
地址：廣東道17號海港城海運大廈3樓LCX 34號舖
電話：2111 0851
營業時間：星期一-星期日12:00-22:30

留言

發佈留言