2017年1月31日星期二

[海港城 Green Common開幕]

好開心Green Common終於響尖沙咀海港城,開咗間食得飽,又唔離地嘅素食餐廳。尋晚有幸試咗佢哋所有招牌菜,分別有七色藜麥超級碗、泡菜植物雞墨西哥卷、紅咖哩植物牛肉配串燒菠蘿薄餅、AF氣炸雞槌配蘇太名醬、植物魚柳包、海南米走雞、濃香紫薯沙冰及有機豆腐黑芝麻沙冰,每一款食物又靚又好味,而我就最鍾意海南米走雞,呢款「雞」係用Beyond Meat Chicken,以薑油及香茅醃過,用一層粉皮仿雞脂,一層沙薑後再用腐皮仿雞皮,掃上麻油及灑上芝麻,像真度極高,再配上用香芧炒嘅黃薑飯,真係極得一試再試。

另一款推介,就係泡菜植物雞墨西哥卷,惹味又健康,最驚喜就係果杯濃香紫薯沙冰,紫薯味十足,超級濃郁亦非常飽肚,大家想做個健康潮人,就記得去海港城 Green Common行下喇~^^~









沒有留言:

發佈留言